काठमाडौं । नेपाल प्रहरीको केन्द्रीय अनुसन्धान ब्यूरोले भालुको पित्त जस्तो देखिने आखेटोपहार सहित २ जनालाई पक्राउ गरेको छ ।
पक्राउ पर्नेमा अर्घाखाँचीको पाणिनी गाँउपालिका वडा नं. २ बस्ने वर्ष ५३ को हरिओम रसाइली र रुपन्देहीको बुटवल उपमहानगरपालिका वडा नं.३ बस्ने वर्ष ३२ को भजिन्द्र दर्जी रहेका प्रहरीले जनाएको छ ।
संरक्षित वन्यजन्तुको आखेटोपहार अवैध रुपमा ओसारपसार तथा बेचबिखन हुन लागेको भन्ने विशेष सूचनाको आधारमा खटिएको प्रहरी टोलीले जिल्ला काठमाडौंको गोकर्णेश्वर नगरपालिका वडा नं. ५ जोरपाटी, नयाँबस्ती उनीहरुलाई पक्रेको हो ।
उनीहरुलाई आवश्यक अनुसन्धान तथा कारवाहीको लागि डिभिजन वन कार्यालय, काठमाडौंमा बुझाएको जनाएको छ ।
।
वि.सं.२०७९ असार १९ आइतवार १३:५३ मा प्रकाशित