काठमाण्डौं । डाटसनको नेपालको आधिकारिक बिक्रेता पायोनियर मोटोकर्पले नेपाली बजारमा डाटसन रेडी गो कार लिएर आएका छन् जसको मूल्य मात्र १३ लाख ९९ हजार रुपैयाँ रहेको छ ।
डाटसनको एक्सपोर्टका भाइस प्रेसिडेन्ट अतुल सहाने र कम्पनीका प्रवन्ध निर्देशक सन्दिप शारडाले हिजो मंगलबार संयुक्त रुपमा यो कारको बिक्री शुभारम्भ गरेका छन् ।
बजारमा आउनभन्दा पहिले नै सयवटा बुकिङ भइसकेको कम्पनीले जनाएकोछ । यो गाडी सेतो, सिल्भर, ग्रे, रुबी र लाइममा उपलब्ध रहेको कम्पनीले जनाएको छ । ८ सय सीसीको यो कार सुजुकीको अल्टो र हुन्डार्इको इयोनसँग प्रतिस्पर्धात्मक रुपमा बजारमा ल्याइएकोछ । जापानिज कार डाटसन नेपालमा भित्रिएको मात्र दुर्इ वर्ष भएको छ । दुर्इ वर्षको अवधिमा डाटसनका विभिन्न मोडलका ८ सय गाडी बिक्री भइसकेका छन् ।
१२ साउन २०७३, १०।००
वि.सं.२०७३ साउन १२ बुधवार १२:१० मा प्रकाशित
