काठमाण्डौं । आज बुधबार सेयर बजार करिव १५ अंकले बढेर १८८१।४५ अंकमा पुगेको छ । सेयर बजारमा आज १४८ कम्पनीका दुई अर्ब २६ करोड ६४ लाख रुपैयाँको सेयर किनबेच भएको छ ।
वित्तीय क्षेत्रका सुचकहरु चम्किँदा सेयर बजार उकालो लागेको हो । बजारमा बाणिज्य बैंक समूहको सूचक साढे १५ अंक, विकास बैंकको ३३ र फाइनान्सको ५ अंकले बढेको छ । आज होटल समूहमा लगानीकर्ताको झुम्मिएका थिए । होटल १९५ अंक र जलविद्युत ४५ अंकले बढ्न पुगेको छ ।
आज बजारमा नेपाल बैंकको सेयर सबैभन्दा वढि रुपैयाँको किनबेच भएको छ । नेपाल बैंकको ११ करोड रुपैयाँको किनबेच भएको छ । सिद्धार्थ बैंकको नौं करोड ८० लाख र एनबी बैंक नौं करोड ३९ लाख रुपैयाँको सेयर किनबेच भएको छ ।
१२ साउन २०७३, ३।००
वि.सं.२०७३ साउन १२ बुधवार १६:०६ मा प्रकाशित