काठमाडौं । कालिका लघुवित्त वित्तीय संस्थाले गत आर्थिक वर्ष २०७८/७९ को चौथो त्रैमासिक वित्तीय विवरण सार्वजनिक गरेको छ ।
उक्त अवधिमा कम्पनीको नाफामा उल्लेख्य वृद्धि भएको छ । गत आवको चौथो त्रैमासमा कम्पनीले १२ करोड ८४ लाख ९६ हजार रुपैयाँ नाफा कमाएको छ । जुन अघिल्लो आवको असार मसान्तसम्मको तुलनामा १३२.७२ प्रतिशतले बढी हो । अघिल्लो आवको सोही अवधिमा कम्पनीले ५ करोड ५२ लाख १६ हजार रुपैयाँ मात्र नाफा कमाएको थियो ।
उक्त अवधिमा कम्पनीको खुद ब्याज आम्दानी भने १.१३ प्रतिशतले मात्र वृद्धि भई २९ करोड ४७ लाख ९६ हजार रुपैयाँ कायम भएको छ । कम्पनीको संचालन मुनाफा भने ८ करोड ९२ लाख ८३ हजार रुपैयाँ रहेको छ ।
उक्त अवधिमा कम्पनीको खराब कर्जा पनि घटेको छ । अघिल्लो आवको चौथो त्रैमासमा ६.२ प्रतिशत रहेको खराब कर्जा गत आवको सोही अवधिमा आईपुग्दा भने ३.११ प्रतिशतमा झारेको छ ।
कम्पनीको चुक्ता पुँजी ३१ करोड २८ लाख ७५ हजार रुपैयाँ रहेको छ । कम्पनीले जगेडा तथा कोषमा भने २२ करोड ७३ लाख ८३ हजार रुपैयाँ राखेको छ ।
उक्त अवधिमा कम्पनीको प्रतिसेयर आम्दानी पनि २१ रुपैयाँ १८ पैसाले वृद्धि भई ४१ रुपैयाँ ७ पैसा कायम भएको छ । कम्पनीको प्रतिसेयर नेटवर्थ भने १७२ रुपैयाा ६८ पैस रहेको छ ।
वि.सं.२०७९ साउन ६ शुक्रवार ११:४६ मा प्रकाशित
