काठमाडौं । नेपाल स्टक एक्सचेञ्ज( नेप्से) मा थप तीन कम्पनीको १ करोड ६३ लाख ५४ हजार कित्ता बोनस सेयर सूचीकृत भएको छ ।
यस साता नेप्सेमा आइएमई जनरल इन्स्योरेन्स ७ प्रतिशत र हाइड्रोइलेक्ट्रिसिटी एण्ड डेभलपमेन्ट कम्पनी( एचआईडीसीएल) को ८ प्रतिशत र नयाँ सारथी लघुवित्त वित्तीय संस्थको १९ प्रतिशत बोनस सेयर सूचीकृत भएको हो ।
नेप्सेमा आइएमई जनरल इन्स्योरेन्सको ८ लाख १० हजार ३१०.२० कित्ता र एचआईडीसीएलको १ करोड ४९ लाख ६० हजार कित्ता बोनस सेयर सूचीकृत भएको हो ।
यस्तै, यस साता नेप्सेमा नयाँ सारथी लघुवित्त वित्तीय संस्थाको १९ प्रतिशत बापतको ४ लाख ८४ हजार ४१२.६० कित्ता बोनस सेयर सूचीकृत भएको हो ।
अब यी तीनै वटा कम्पनीको बोनस सेयर सम्वन्धित सेयरधनीहरुको हितग्राही खातामा जम्मा भएपछि लगानीकर्ताले खरिदबिक्री गर्न सक्नेछन् ।
वि.सं.२०७९ साउन ७ शनिवार २०:४९ मा प्रकाशित