काठमाडौं । साधना लघुवित्त वित्तीय संस्थाले साढे ११ करोड बढी नाफा कमाएको छ ।
कम्पनीले आइतबार प्रकाशित गरेको गत आर्थिक वर्ष २०७८७९ को चौंथो त्रैमासिक वित्तीय विवरणले यस्तो देखाएको हो ।
विवरण अनुसार गत आवमा कम्पनीले ११ करोड ६१ लाख २५ हजार रुपैयाँ नाफा कमाएको छ । जुन अघिल्लो आवको चौंथो त्रैमासको तुलनामा ०.८२ प्रतिशतले कमी हो । अघिल्लो आवको सोही अवधिमा कम्पनीले ११ करोड ७० लाख ९५ हजार रुपैयाँ नाफा गरेको थियो ।
उक्त अवधिमा कम्पनीको खुद ब्याज आम्दानी भने १९ प्रतिशतले वृद्धि भई २८ करोड ८७ लाख ७७ हजार रुपैयाँ पुगेको छ । अघिल्लो आवमा कम्पनीको यो आम्दानी २४ करोड २६ लाख ६८ हजार रुपैयाँ रहेको थियो।
कम्पनीको गत आवमा संचालन मुनाफा १४ करोड ८० लाख ५० हजार रुपैयाँ रहेको छ । कम्पनीको यो मुनाफा ञअघिल्लो वर्षको तुलनामा भने २.६४ प्रतिशतले कमी हो ।
कम्पनीको चुक्ता पुँजी ३२ करोड १२ लाख २५ हजार रुपैयाँ रहेको छ । कम्पनीले जगेडा तथा कोषमा भने १७ करोड ५७ लाख २९ हजार रुपैयाँ राखेको छ ।
उक्त अवधिमा कम्पनीको खराब कर्जा भने ०.१० प्रतिशतले घटाएर १.९२ प्रतिशतमा झारेको छ ।
कम्पनीको प्रतिसेयर आम्दानी भने ९ रुपैयाँ ४२ पैसाले घटेर ३६ रुपैयाँ १५ पैसा कायम भएको छ । प्रतिसेयर नेटवर्थ १५४ रुपैयाँ ७ पैसा रहेको छ ।
वि.सं.२०७९ साउन १५ आइतवार ११:५६ मा प्रकाशित
