काठमाडौं । धौलागिरी लघुवित्त वित्तीय संस्थाले साढे २ करोड बढी नाफा आर्जन गरेको छ ।
कम्पनीले सार्वजनिक गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको छ ।
गत आवमा कम्पनीले २ करोड ६० लाख ७४ हजार रुपैयाँ नाफा कमाएको छ । जुन अघिल्लो आवको चौंथो त्रैमासको तुलनामा २५.६९ प्रतिशतले कमी हो । अघिल्लो आवमा कम्पनीले ३ करोड ५० लाख ८६ हजार रुपैयाँ नाफा कमाएको थियो ।
उक्त अवधिमा कम्पनीको खुद ब्याज आम्दानी भने १४.६० प्रतिशतले बढेर १० करोड २१ लाख २५ हजार रुपैयाँ कायम भएको छ ।
यस्तै, गत आवमा कम्पनीको संचालन मुनाफा पनि ७०.०९ प्रतिशतले गिरावट आई ९७ लाख ६६ हजार रुपैयाँ कायम भएको छ ।
कम्पनीको चुक्ता पुँजी ७ करोड रुपैयाँ रहेको छ । कम्पनीले जगेडा तथा कोषमा भने ११ करोड ६९ हजार रुपैयाँ राखेको छ ।
उक्त अवधिमा कम्पनीको खराब कर्जा पनि ३.१० प्रतिशतले वृद्धि भई ४.३७ प्रतिशत पुगेको छ ।
कम्पनीले आउँदो साउन २४ गतेदेखि आईपीओ निष्काशन तथा बिक्री खुला गर्ने भएको हो ।
कम्पनीले प्रतिसेयर १०० रुपैयाँ अंकित मूल्यका दरले ३ करोड ३१ लाख रुपैयाँ बराबरको ३ लाख ३१ हजार कित्ता आईपीओ जारी गर्न लागेको हो ।
कम्पनीले कुल ३ लाख ३१ हजार कित्ता सेयरमध्ये ५ हजार १५५ कित्ता कर्मचारीहरुका लागि, १६ हजार ५५० कित्ता सामूहिक लगानी कोषहरुका लागि र बाँकी रहेको ३ लाख ८ हजार २९५ कित्ता सर्वसाधारणका लागि छुट्याएको छ ।
उक्त आईपीओमा छिटोमा साउन २९ गते र ढिलोमा भदौ ७ गतेसम्म आवेदन दिन सकिने कम्पनीले जनाएको छ ।
कम्पनीको आईपीओमा लगानीकर्ताले न्यूनतम १० कित्तादेखि १ हजार कित्तासम्मका लागि आवेदन दिन सक्नेछन् ।
आईपीओ निष्काशन तथा बिक्री प्रवन्धकमा सनराइज क्यापिटल लिमिटेड रहेको छ
वि.सं.२०७९ साउन १७ मंगलवार ११:०० मा प्रकाशित
