काठमाडौं । कुमारी बैंकले पानै ३ अर्ब रुपैयाँ नाफा कमाएको छ । बैंकले बुधवार प्रकाशित गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आवमा बैंकले २ अर्ब ८३ करोड ५२ लाख ३४ हजार रुपैयाँ नाफा कमाएको छ । जुन अघिल्लो आवको चौंथो त्रैमासको तुलनामा ४३.८७ प्रतिशतले बढी हो । अघिल्लो आवको सोही अवधिमा बैंकले १ अर्ब ९७ करोड ७ लाख ३० हजार रुपैयाँ नाफा कमाएको थियो ।
उक्त अवधिमा बैंकको खुद ब्याज आम्दानी पनि २५.६७ प्रतिशतले वृद्धि भई ६ अर्ब ३८ करोड ७ लाख २४ हजार रुपैयाँ पुगेको छ ।
बैंकको संचालन मुनाफा भने ३२.६८ प्रतिशतले बढेर ३ अर्ब ९८ करोड ८१ लाख ५८ हजार रुपैयाँ कायम भएको छ । गत आवमा बैंकको वितरयण योग्य मुनाफा १ अर्ब ७७ करोड ३९ लाख १७ हजार रुपैयाँ रहेको छ ।
बैंकको चुक्ता पुँजी १४ अर्ब ७१ करोड ११ लाख ८३ हजार रुपैयाँ रहेको छ । बैंकले जगेडा तथा कोषमा भने ६ अर्ब ४७ करोड ४९ लाख ९४ हजार रुपैयाँ राखेको छ ।
बैंकको प्रतिसेयर आम्दानी पनि ५ रुपैयाँ ७ पैसाले वृद्धि भई १९ रुपैयाँ २७ पैसा र प्रतिसेयर नेवटर्थ १४४ रुपैयाँ १ पैसा रहेको छ ।
वि.सं.२०७९ साउन १८ बुधवार ११:५५ मा प्रकाशित