काठमाडौं । मानुषी लघुवित्त वित्तीय संस्थाले वित्तीय संस्थाले गत आर्थिक वर्ष २०७८/७९ को चौंथो त्रैमासिक वित्तीय विवरण प्रकाशित गरेको छ ।
कम्पनीले गत आवमा कम्पनीले नाफामा उल्लेख्य सुधार गरेको छ । गत आवमा कम्पनीको नाफा १०१.९२ प्रतिशतले वृद्धि भई २ करोड ४० लाख ३६ हजार रुपैयाँ पुगेको छ । अघिल्लो आवको सोही अवधिमा कम्पनीले १ करोड १९ लाख ४ हजार रुपैयाँ मात्र नाफा कमाएको थियो ।
गत आवमा कम्पनीको खुद ब्याज आम्दानी २४.०५ प्रतिशतले वृद्धि भई ९ करोड ४१ लाख ३१ हजार रुपैयाँ पुगेको छ । कम्पनीको संचालन नाफामा भने ९ करोड ७४ लाख ३० हजार रुपैयाँ ऋणात्मक देखिएको छ ।
कम्पनीको चुक्ता पुँजी १० करोड ९३ लाख ७५ हजार रुपैयाँ रहेको छ । कम्पनीले जगेडा तथा कोषमा भने ६ करोड ४९ लाख ९८ हजार रुपैयाँ राखेको छ ।
गत आवमा कम्पनीले खराब कर्जा पनि २.६१ प्रतिशतले घटाएर ३.२ प्रतिशतमा झारेको छ ।
कम्पनीको प्रतिसेयर आम्दानी पनि ४ रुपैयाँ ९७ पैसाले वृद्धि भई २१ रुपैयाँ ९८ पैसा कायम भएको छ। प्रतिसेयर नेटवर्थ १५९ रुपैयाँ ४३ पैसा रहेको छ ।
वि.सं.२०७९ साउन २७ शुक्रवार १२:३० मा प्रकाशित
