काठमाडौं । नेपाल एसोसियशन अफ टुर एण्ड ट्राभल एजेन्टस् (नाट्टा) को आगामी जनवरी १७ मा हुने चुनावी साधरण सभाका दुई प्रत्यासी समूह मिहिका धाख्वा र शम्भुराज पाठकले प्यानल सहति टीम सार्वजनिक गरेका छन् ।
मंगलबार लाजिम्पाटको दुई छुट्टा छुट्टै होटेलमा आयोजित पत्रकार सम्मेलनमा प्यानल सहितको टीम सार्वजनिक गरिएको हो । वर्तमान कार्यसमितिका महासचिव धाख्वाले होटेल सांग्रिलामा पत्रकार सम्मेलन गर्दै प्रथम उपाध्यक्षमा केदारनाथ दुवाडी, द्वितिय उपाध्यक्षमा सुनिल शर्मा, महासचिवमा ठाकुरप्रसाद ढुंगाना, सचिवमा कमल गुरुङ, कोषाध्यक्षमा तिलक थापा मगर, सहकोषाध्यक्षमा फुदुमा शेर्पालाई समावेश गरेकी छन् । धाख्वाले सदस्यहरुमा सुरेश अमगाई, अमृतकुमार ढकाल, विनोद कार्की, गोविन्द दाहाल, सुरेश केसी, सुरेन्द्र भट्टराई, यज्ञमुर्ति आचार्य, अनिक कुमार थापालाई प्यानलमा समावे गरेकी छिन् । आफ्नो व्यक्तित्व र विगतमा गरेको कामका आधारमा आफुलाई सदस्य कम्पनीहरुले मतदान गर्नेमा विश्वस्त रहेको बताउँदै धाख्वाले विगतका अपुरा काम पुरा गर्न आफुले उम्मेद्वारी दिएको बताइन् ।
त्यस्तै लाजिम्पाटकै होटेल मनाशलुमा हालका प्रथम उपाध्यक्ष शम्भुराज पाठक समुहले पत्रकार सम्मेलनको आयोजना गरी स्वतन्त्र र व्यवसायीक टीम सार्वजनिक गरेको छ । पाठकले प्रथम उपाध्यक्ष नाराणप्रसाद गुरुङ (कोने), द्वितिय उपाध्यक्ष कृष्णबहादुर मगर, महासचिव रमेश थापा, सचिवमा दिव्यप्रभा शाही, कोषाध्यक्षमा रामबहादुर घले, सहकोषाध्यक्ष विजय रिजाललाई मैदानमा उतारेका छन् । सदस्यहरुमा बाबुराम रसाईली, राजु व्यञ्जनकार, सञ्जय बजिमय, इन्दु थापा, रमेशमान मलखु, महेन्द्रराज पाण्डेय, जयहरी गोइत, सागर अधिकारी रहेका छन् । पाठकले आफु कुनै राजनीतिक दलको आडमा नभई विशुद्ध व्यवसायी र अग्रज पुर्व अध्यक्षहरुको सहयोगमा चुनावी प्रतिस्पर्धामा उत्रिएको बताए । उनले नाट्टामा हालसम्म राजनीतिले स्थान नपाएको बताउँदै यस पटक आफ्नो प्यानलले नै चुनाव जित्नेमा विश्वस्त रहेको बताए ।
तीन वटा टीमले एकसाथ प्यानल निर्माण गरेर चुनावी प्रतिस्पर्धामा होमिएका छन् । यस अघि पुर्व महासचिव मधुसुदन आचार्यले आफ्नो टीम सार्वजनिक गरेर प्रचार प्रसारलाई तिब्रता दिएका छन् ।
वि.सं.२०७२ पुस २९ बुधवार १८:२७ मा प्रकाशित
