काठमाडौं । सिटिजन लाइफ इन्स्योरेन्सले पहिलो त्रैमासको वित्तिय विवरण सार्वजनिक गरेको छ ।यस अवधिसम्म आइपुग्दा इन्स्योरेन्सको नाफा १२.९९ प्रतिशतले बढेर ७ करोड ३ लाख ६१ हजार रुपैयाँ पुगेको छ ।
अघिल्लो वर्षको यसैअवधिमा यसले ६ करोड २२ लाख ७३ हजार रुपैयाँ खुद नाफा कमाएको थियो । खुद बिमा शुल्क आर्जन पनि १२.८० प्रतिशतले बढेर १ अर्ब ३७ करोड ४६ लाख २६ हजार रुपैयाँ पुगेको छ ।
लगानी कर्जा, कमीशन आयबाट कम्पनीले ४७ प्रतिशतले बढ्दा २४ करोड ६१ करोड रुपैयाँ संकलन गर्न सफल भएको छ।
समिक्षा अवधिमा जगेडा कोष २२.०८ प्रतिशतले वृद्धि भएको छ । अभिकर्ता कमीशनको आधारमा हेर्ने हो भने ७ प्रतिशतले घटेको तथ्यांकमा देखिएको छ ।
चालु आर्थिक वर्षको पहिलो त्रैमाससम्म कम्पनी ७ करोड ३ लाख रुपैयाँ खुद नाफामा रहेको छ ।
जीवन बिमाको आकार ५६.२४ प्रतिशतले बढेर ६ अर्ब ६३ करोड ३३ लाख रुपैयाँ पुगेको छ ।
अघिल्लो वर्षको यसैअवधिमा यसको बिमा कोषमा ४ अर्ब २४ करोड ५५ लाख ४८ हजार रुपैयाँ थियो । चुक्ता पुँजी १ अर्ब ७५ करोड रहेको छ ।
वि.सं.२०७९ कात्तिक ३० बुधवार १३:५९ मा प्रकाशित
