काठमाडौं । आज थप दुई कम्पनीहरुले लाभांश घोषणा गरेका छन् । उक्त दिन फर्स्ट माइक्रोफाइनान्स र अरुण भ्याली हाइड्रोपावरले लाभांश घोषणा गरेको हुन् ।
फर्स्ट माइक्रोफाइनान्स
फर्स्ट माइक्रोफाइनान्स लघुवित्त वित्तीय संस्था लिमिटेडले गत आर्थिक वर्षसम्मको वितरणयोग्य मुनाफाबाट आफ्ना शेयरधनीहरुलाई वितरण गर्ने घोषणा गरेको हो ।
लघुवित्तले गत असार मसान्तसम्म कायम चुक्ता पूँजीको २० प्रतिशत लाभांश वितरण गर्ने घोषणा गरेको हो। सोमध्ये १९ प्रतिशत बोनस शेयर रहेको छ भने १ प्रतिशत कर प्रयोजनार्थ नगद लाभांश रहेको छ।
मंसिर १५ गते बसेको लघुवित्तको सञ्चालक समितिको बैठकले सो लाभांश वितरण गर्ने निर्णय गरेको हो। सो लाभांश नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपश्चात वितरण गरिनेछ।
अरुण भ्याली हाइड्रोपावर
अरुण भ्याली हाइड्रोपावर डेभलपमेन्ट कम्पनीले गत आर्थिक वर्षसम्मको मुनाफा र सञ्चितीबाट हाल कायम चुक्ता पूँजीको ८ प्रतिशत बोनस र ०.४२१ प्रतिशत कर प्रयोजनको लागि नगद लाभांश वितरण गर्ने घोषणा गरेको हो।
मंसिर १६ गते बसेको कम्पनीको सञ्चालक समितिको बैठकले सो लाभांश वितरण गर्ने निर्णय गरेको हो। सो लाभांश विद्युत नियमन आयोगको स्वीकृत भई आगामी वार्षिक साधारण सभाले पारित गरेपश्चात वितरण गरिनेछ।
वि.सं.२०७९ मंसिर १६ शुक्रवार १९:१७ मा प्रकाशित
