काठमाण्डौं । साँग्रिला डेभलपमेन्ट बैंकले नौ लाख ६७ हजार कित्ता सेयर बोलकबोलबाट वितरण गर्ने भएको छ ।
यो बैंकले गत वैशाखमै सस्थापक समूहको यो सेयर बोलकबोलबाट विक्री गर्न खोजेको थियो । बैशाखमा स्थगित गरेको बोलकबोल पुन सुरु गरेको हो । भदौ १० देखि १५ गतेसम्म बोलकबोलबाट सेयर विक्री गर्ने जनाएको छ ।
बैंकले सस्थापक समूहको अवितरित हकप्रद सेयर बेच्न लागेको हो । यो सेयर सस्थापक समूहका लगानीकर्ताले मात्रै किन्न पाउँनेछन् । सस्थापक समूहबाट पर्याप्त आवेदन नपरे अर्को चरणमा मात्रै सर्वसाधारणले किन्न पाउनेछन् । यस अघि पनि सस्थापक समूहले मात्रै प्रतिस्पर्धामा भाग लिन पाउने व्यवस्था गरेको भन्दै विवाद भएको थियो ।
विक्री प्रबन्धक एनएमबी क्यापिटल रहेको यी सेयरमा सस्थापक समूहका लगानीकर्ताले भदौ १५ गते भित्र आवेदन दिनु पर्नेछ । न्युनतम एक सय कित्ता देखि अधिकतम १० ले भाग जाने गरी सबै नौ लाख ६७ हजार ५४० कित्ता किन्न आवेदन दिन पाउँछन् ।
२ भदौ २०७३, २।००
वि.सं.२०७३ भदौ २ बिहीवार १४:४२ मा प्रकाशित
