काठमाण्डौं । हिमालयन बैंक लिमिटेडले सवारी साधन कर्जामा विशेष छुट तथा सुविधा प्रदान गरेको छ । बैंकले मंगलबारबाट सुरु भएको नाडा अटो सो अवधिभर वार्षिक ६.५०५ (व्यक्तिगत) र बार्षिक ९.००५ (व्यावसायिक) ब्याजदरमा सवारी साधन कर्जा उपलब्ध गराउने भएको छ ।
साथै बैंकले कर्जा सेवा शुल्कमा समेत विशेष छुट दिई ०.२५५ मात्र निर्धारण गरेको छ । व्यक्तिगत सवारी साधनको लागि कुल मूल्यको ८० प्रतिशतसम्म कर्जा उपलब्ध गराइनुका साथै कर्जा भुक्तानीको अवधि ८ वर्षको रहने बैंकले जनाएको छ ।
त्यसैगरि व्यावसायिक प्रयोजनका सवारी साधनको लागि मूल्यको ७० प्रतिशतसम्म कर्जा उपलब्ध गराइने र कर्जा भुक्तानीको अवधि ५ वर्षको रहनेछ । सवारी साधन खरिद गर्न इच्छुक व्यक्तिहरुले नाडा अटोसोमा रहेको बैंकको काउन्टरमा आफ्नो नाम दर्ता गराई कर्जा प्रकृयामा सहभागी हुन सक्नेछन् ।
प्रकाशित मितिः २०७३ भदौ १४
वि.सं.२०७३ भदौ १४ मंगलवार १७:३० मा प्रकाशित