काठमाडौं । घलेम्दी हाइड्रोपावरले नवौं वार्षिक साधारण सभा वैशाख १६ गते बोलाएको छ । सभा सासा ब्यांक्वेट, नयाँबजार काठमाडौंमा बिहान १०.३० बजेदेखि सुरु हुनेछ ।
सभामा कम्पनीले १ः२ (२०० प्रतिशत) को अनुपातमा हकप्रद सेयर जारी प्रस्ताव पेश गर्नेछ । यस्तै, कम्पनीले हकप्रद सेयर निष्कासन गरेपछि सांग्रिला उर्जा प्रा. लिद्वारा प्रवद्धित संखुवासभामा रहेको छुजुङ खोला जलविद्युत आयोजनामा लगानी गर्ने सञ्चालक समतिको निर्णयलाई पारित गर्ने एजेन्डा पनि छ । सभाबाट अनुमोदन भएर नेपाल धितोपत्र बोर्डले स्वीकृति दिएपछि मात्र प्रस्तावित हकप्रद सेयर निष्कासन हुनेछ ।
सभामा आर्थिक वर्ष २०७८/०७९ को नाफा नोक्सान सम्बन्धी हिसाबका सम्बन्धमा छलफल हुनेछ । आर्थिक वर्ष २०७९/०८० का लागि लेखापरीक्षक नियुक्ति र पारिश्रमिक निर्धारण गर्ने एजेन्डा पनि रहनेछ ।
सभा प्रयोजनको लागि कम्पनीले वैशाख ७ गते बुक क्लोज गर्ने भएको छ । यसकारण, सभामा भाग लिन वैशाख ६ गतेसम्म सेयर खरिद गर्नुपर्छ ।
वि.सं.२०७९ चैत २४ शुक्रवार १०:३६ मा प्रकाशित