काठमाण्डौं । सिटिजन्स बैंकले आगामी असोज १६ गतेका लागि दशौ बार्षिक साधारणसभा बोलाएको छ । गत आर्थिक बर्षमा ५५ प्रतिशत हकप्रद जारी गरेको बैंकले गत आर्थिक बर्षको बोनश वितरणपश्चात कायम पूँजीको २५ प्रतिशत हकप्रद जारी गर्ने प्रस्ताव साधारणसभामा लैजादैछ । साथै बैंकले साधारणसभा प्रयोजनका लागि असोज ६ गतेदेखि १६ गतेसम्म शेयरधनी दर्ता पुस्तिका बन्द हुने जनाएको छ ।
बैंकले गत आर्थिक बर्षको मुनाफाबाट ७५ करोड रुपैयाँ बराबरको बोनश वितरणको प्रस्ताव साधारणसभामा लैजादै छ । साथै बैंकले कर प्रयोजनका लागि ३ करोड ७५ लाख रुपैयाँ बराबरको नगद लाभांश समेत वितरण गर्ने भएको छ ।
गत आर्थिक बर्षमा ५५ प्रतिशत हकप्रद शेयर निष्काशन गरेको बैंकले हकप्रद भरेका लगानीकर्तालाई समेत बोनश वितरण गर्ने भएको छ । बैंकको दशौ साधारणसभाले उक्त प्रस्ताव पारित गरेपछि लगानीकर्तालाई बोनश वितरण गरिनेछ । बैंकले गत आर्थिक बर्षमा १ अर्ब ८ करोड रुपैयाँ खुद नाफा कमाएको थियो ।
प्रकाशितः २०७३ भदौ २७
वि.सं.२०७३ भदौ २७ सोमवार १३:५६ मा प्रकाशित
