काठमाण्डौं । एनआईसी एशिया बैंकले आफ्ना सेयरधनीलाई वितरण गर्न प्रस्ताव गरेको लाभांश बाड्न राष्ट्र बैंकले अनुमति दिएको छ । बैंकको प्रस्तावलाई राष्ट्र बैंकले स्वीकृति दिएपछि बैंकले आगामी असोज १८ गते बार्षिक साधारणसभा बोलाउने निर्णय समेत गरेको छ ।
बैंकले गत आर्थिक बर्षको मुनाफाबाट २६ प्रतिशत बोनशपछि १५ प्रतिशत हकप्रद जारी गर्ने प्रस्ताव गरेको छ । साधारणसभा प्रयोजनका लागि असोज ५ गतेदेखि १८ गतेसम्म शेयरधनी दर्ता पुस्तिका बन्द रहने समेत बैंकले जनाएको छ ।
बैंकले २६ प्रतिशत बोनश वितरण गरे लगत्तै १५ प्रतिशत हकप्रद जारी गर्ने प्रस्ताव समेत साधारणसभामा लैजादैछ । यसका लागि एनआइसी एशियाले राष्ट्र बैंकबाट अनुमति पाएको छ । बैंकले प्रस्ताव गरेको लाभांश बैंकको आगामी साधारणसभाले पारित गरेपछि शेयरधनीलाई वितरण गरिनेछ । बैंकले गत आर्थिक बर्षमा १ अर्ब ७ करोड रुपैयाँ नाफा कमाएको थियो ।
२८ भदौ २०७३, ८।००
वि.सं.२०७३ भदौ २८ मंगलवार ०७:३७ मा प्रकाशित
