काठमाडौं । तपाई पैदलयात्री हुनुहुन्छ र सडकको प्रभावकारी प्रयोग गरिरहनुभएको छैन भने अब सावधान बन्नैपर्ने भएको छ । नत्र सडकको प्रयोग गर्न नजानेको वा गलत प्रयोग गरेको सजायस्वरुप १ हजार रुपैयाँ जरिवानामा पर्नुहुनेछ । किनकि सरकारले पहिलोपटक सडकपेटीबाट नहिड्ने वा पैदलयात्रुलेबाटो काट्न जेब्रा क्रसिङ सब वे, ओभरहेड ब्रिजजस्ता ठाउँबाट नहिँडेमा १ हजार रुपैयाँ जरिवाना गर्ने कडा कानुनी ब्यवस्था गर्दैछ ।
‘पेटी नभएको सडकमा हिड्दा भने सडकको किनारा च्यापेर हिड्नुपर्नेछ ।’ यातायात बिभागका प्रवक्ता वसन्त अधिकारिले भने । यसबाहेक हाल कायम सवारी जरिवाना दरमा उच्च वृद्धि गरेर सवारी तथा यातायात ब्यवस्था ऐन २०४९ को तेस्रो संशोधन प्रस्ताव तयार भएको छ । संशोधन प्रस्तावले विभिन्न कसुर वा गल्तीमा न्यूनतम ५ हजारदेखि २ लाख रुपैयाँसम्म जरिवाना र ६ महिना देखि १२ वर्षसम्मको जेल सजाय प्रस्ताव गरेको छ । आजको नयाँ पत्रिका दैनिकबाट ।
प्रकाशितः २०७३ भदौ ३०
वि.सं.२०७३ भदौ ३० बिहीवार १०:१७ मा प्रकाशित
