काठमाडौं । सिटिजन लाइफ इन्स्योरेन्सले चालु आर्थिक वर्षको तेस्रो त्रैमाससम्मको वित्तिय विवरण सार्वजनिक गरेको छ । । चालु आर्थिक वर्षको तेस्रो त्रैमासम्ममा कम्पनीको खुद बीमाशुलक ३.७१ प्रतिशतले बढेर ३ अर्ब ७२ करोड ८२ लाख रुपैयाँ पुगेको हो ।
गत आर्थिक वर्षको यसै अवधिमा कम्पनीले ३ अर्ब ५९ करोड ५० लाख रुपैयाँ खुद बीमाशुल्क आर्जन गरेको थियो । यस्तै कम्पनीले लगानी, कर्जा तथा अन्यबाट ६१ करोड २३ लाख रुपैयाँ, बीमालेख धितोमा ४८ करोड १७ लाख रुपैयाँ लगानी गरी ३ करोड २९ लाख रुपैयाँ आम्दानी गरेको छ ।
बीमाशुल्कसँगै कम्पनीको खुद नाफा पनि २.६० प्रतिशतले बढेर १५ करोड १ लाख रुपैयाँ पुगेको छ । गत आर्थिक वर्षको यसै अवधिमा कम्पनीको खुद नाफा १४ करोड ६३ लाख रुपैयाँ रहेको थियो ।
चुक्ता पूँजी २ अर्ब ६२ करोड २५ लाख रुपैयाँ रहेको कम्पनीले प्रिमियम मूल्यमा आईपीओ निष्काशन गर्न लागेको छ । कम्पनीले १०० रुपैयाँ अंकित मूल्यमा थप १९० रुपैयाँ प्रिमियम सहित प्रति कित्ता २९० रुपैयाँका दरले आईपीओ निष्काशन गर्न नेपाल धितोपत्र बोर्डमा आवेदन दिइसकेको छ ।
आईपीओ निष्काशन पश्चात कम्पनीको चुक्ता पूँजी ३ अर्ब ७५ करोड रुपैयाँ पुग्नेछ । बीमा प्राधिकरणको निर्देशन अनुसार ५ अर्ब पूँजी पुर्याउन कम्पनीले १ अर्ब २५ करोड रुपैयाँ थप्नु पर्नेछ ।
समिक्षा अवधिमा कम्पनीले २२ हजार ८७७ वटा बीमालेख जारी गरी ४ अर्ब १ करोड ८३ लाख रुपैयाँ कुल बीमाशुल्क आर्जन गरेको छ ।
वि.सं.२०८० वैशाख १९ मंगलवार ०९:४७ मा प्रकाशित