काठमाडौं, बैशाख २६ । आज अर्थात बैशाख २६ गते मंगलबार, हिमाल दोलखा हाइड्रोपावरको हकप्रद शेयर सुरक्षित गर्ने अन्तिम दिन रहेको छ। हाइड्रोपावरले ७५ प्रतिशत हकप्रद शेयर निष्काशन प्रयोजनार्थ भोली अर्थात बैशाख २७ गते बुक क्लोज गर्दैछ।
यसर्थ आजसम्म नेप्सेमा कारोबार भइ कायम शेयरधनीहरुले कम्पनीको हकप्रद शेयरका लागि आवेदन दिन सक्नेछन्।
कम्पनीले हाल कायम चुक्ता पूँजीको ७५ प्रतिशत अर्थात हाल कायम १० कित्ता शेयर बराबर नयाँ ७.५ कित्ता अनुपातमा हकप्रद शेयर निष्काशन गर्न लागेको हो।
यस अनुसार कम्पनीले १ अर्ब २० करोड रुपैयाँ बराबरको प्रतिकित्ता १०० रुपैयाँ अंकित मूल्यका १ करोड २० लाख कित्ता हकप्रद शेयर निष्काशन गर्नेछ। हाल कम्पनीको चुक्ता पूँजी १ अर्ब ६० करोड रुपैयाँ रहेको छ।
कम्पनीको शेयर निष्काशन तथा बिक्री प्रबन्धक लक्ष्मी क्यापिटल मार्केट लिमिटेड रहेको छ।
वि.सं.२०८० वैशाख २६ मंगलवार १०:४२ मा प्रकाशित