काठमाण्डौं । नबिल इन्भेष्टमेन्ट बैंकिङले निश्कासन गरेको नबिल इक्वीटी फण्डमा माग गरिएभन्दा ६ गुणा बढी रकमको आवेदन परेको छ।
नबिल इन्भेष्टमेन्ट बैंकिङ लिमिटेडले ल्याएको एक अर्ब रुपैयाँको दोस्रो म्युचअल फन्ड नबिल इक्विटी फन्डमा करिब ६ अर्ब ४० करोड रुपैयाँ बराबरको आवेदन परेको छ । कम्पनीले माग गरेभन्दा बढी आवेदन परेपछि यो फण्डको आकार समेत २५ प्रतिशतले बढेर एक अर्ब २५ करोड पुग्ने भएको छ ।
नबिल बैंकको कोष प्रवद्र्धनमा खुलेको यो दोस्रो म्युचुअल फण्ड हो। ‘नबिल ब्यालेन्स फण्ड’ पहिलो योजना हो। पहिलो म्युचुअल फण्डभन्दा यो म्युचुअल फण्डको लगानी इक्वीटीमा बढी केन्द्रित रहनेछ।
यसपछि एनआईबि र लक्ष्मी क्यापिटलको योजना व्यवस्थापनमा दुई म्युचुअल फण्ड आउने छन्। ति फण्ड नेपाल धितोपत्र बोर्डबाट स्वीकृतिको पर्खाईमा छन्।
प्रकाशितः २०७३ असोज ८
वि.सं.२०७३ असोज ८ शनिवार १२:५८ मा प्रकाशित