भैरहवा । काठमाडौबाट २४ यात्रु लिएर भैरहवा तर्फ गएको यति एयरलाईन्सको जहाज साँझ ५ः३० बजे अवतरणकाक्रममा दुर्घटना भएको छ ।
रनवे बाट करि १ सय मिटर पर पुगेर विमान घाँग्रा खोला नजिक घाँसे मैदानमा पुगेको थियो ।
सँगै विमानस्थलको अर्काे रनवे निर्माणको काम पनि चलिरहेको छ । नयाँ रनवे निर्माणमा जुटेका कामदार र कम्पनीका मानिसहरुले आगलागी भईरहेको देखेपछि दुर्घटनामा परेको विमानको आगो निभाएको प्रत्यक्षदर्शी संजीप राईले बताए ।
राईका अनुसार विमान दुर्घटना हुनासाथ सबै मानिसहरु आतिएर चिच्याईरहेका थिए । पाईलटले ढोका खोलेर सबैलाई सकुसल बाहिर निकालेका थिए ।
त्यसपछि पनि मानिसहरु आतिरहेका देखिन्थे ।
दुर्घटनाकाक्रममा केहि मानिसहरु घाईते भएका छन् ।
दुर्घटनापछि विमानको अगाडिको टायरले पुरै काम नगर्ने भएको देखिएको र विमानले नै काम नगर्ने अवस्थामा पुगेको जस्तो देखिएको उनले बताए ।
१०/११ महिना अगाडि पनि भैरहवा एयरपोर्टमा यति एयरको यस्तै प्रकृतिको दुर्घटना भएको र विमान कम्पनीको हेलचेक्र्याई कारण दुर्घटना दोहोरिएको प्रत्यक्षदर्शीहरुले बताएका छन् ।
फोटोः संजीप राई
प्रकाशित मितिः २०७३ असोज ८ गते ७ः३५ बजे
वि.सं.२०७३ असोज ८ शनिवार १९:३५ मा प्रकाशित
