काठमाडौं । समता घरेलु लघुवित्त वित्तीय संस्थाले एफपीओ निष्काशन गर्ने भएको छ।
संस्थाले वित्तीय संस्थाको प्रबन्धपत्रमा भएको व्यवस्थाबमोजिम सेयर पुँजी संरचना अनुपात ७०ः३० (संस्थापकःसर्वसाधारण) कायम हुने गरी नपुग सेयरको एफपीओ ल्याउने प्रक्रिया अगाडि बढाएको हो।
संस्थाले ३ करोड ३२ लाख ८५ हजार ६०० रुपैयाँबराबरको एफपीओ ल्याउनेछ। जसअनुसार संस्थाले ३ लाख ३२ हजार ८५६ किता एफपीओ निष्कासन गर्नेछ।
यसैगरी संस्थाले एफपीओ निष्कासन तथा बिक्री प्रबन्धकमा मुक्तिनाथ क्यापिटललाई नियुक्त गरेको छ। बिक्री प्रबन्धक नियुक्तिसम्बन्धी सम्झौतापत्रमा आज समता घरेलु लघुवित्तको काभ्रेको बनेपास्थित केन्द्रीय कार्यालयमा हस्ताक्षर भएको छ।
सम्झौतापत्रमा समता घरेलु लघुवित्तका तर्फबाट प्रमुख कार्यकारी अधिकृत डा. मदन घिमिरे र मुक्तिनाथ क्यापिटलका तर्फबाट प्रमुख कार्यकारी अधिकृत कविन्द्रध्वज जोशीले हस्ताक्षर गरेका छन्।
वि.सं.२०८० असार ४ सोमवार १६:२० मा प्रकाशित
