![बैंकको सेयर किन्नुभो, छुट्ला है ३२ प्रतिशत बोनश र ८० प्रतिशत हकप्रद ! बैंकको सेयर किन्नुभो, छुट्ला है ३२ प्रतिशत बोनश र ८० प्रतिशत हकप्रद !](https://www.arthatantra.com/wp-content/uploads/2016/09/share-market.jpg)
काठमाण्डौं । के तपाईले नेपाल बंगलादेश बैंकको सेयर खरिद गर्नु भयो ? गर्नुभएको छैन भने आज एक दिन बाँकी छ । यो बैंकले ३२ प्रतिशत बोनस र ८० प्रतिशत हकप्रदको प्रस्ताव गरेको छ । जसका लागि भोलि असोज १९ गतेबाट बुक क्लोज हुँदै छ ।
उक्त प्रस्ताव पारित गर्न बैंकले आगामी कार्तिक ८ गते साधारणसभा बोलाएको छ । साधारणसभा प्रयोजनका लागि नै बैंकको सेयर धनी दर्ता पुस्तिका बन्द हुदैछ । नेपाल बंगलादेश बैंकको असोज १८ गतेसम्म सेयर किन्नेले मात्र बोनस सेयर पाउने छन् ।
नेपाल बंगलादेश बैंकको चुक्ता पूँजी हाल ३ अर्ब ३ करोड रहेकोमा ३२ प्रतिशत बोनस बितरण पछि चार अर्ब पुग्ने छ । त्यसको ८० प्रतिशत अर्थात १० बराबर ८ का दरले हकप्रद जारी भए पछि ७ अर्ब २० करोड हाराहारीमा हुनेछ ।
१८ असोज २०७३, ११।००
वि.सं.२०७३ असोज १८ मंगलवार १२:०८ मा प्रकाशित