काठमाण्डौं । सिद्धार्थ बैंकले २५ प्रतिशत पुँजी बढाउनका लागि ७५ लाख ५५ हजार एक सय ९३ कित्ता हकप्रद सेयर निस्कासन गरेकोछ । सिद्धार्थमा चार कित्ता हुनेले एक कित्ता सेयर आवेदन गर्न पाउनेछन्।
यो सेयर कात्तिक ११ बिक्री खुला गरि मंसिर १५ गते बन्द गर्ने निस्कासन तथा बिक्री प्रबन्धक लक्ष्मी क्यापिटलले जनाएको छ। यो हकप्रद सेयर बाँडफाँड पश्चात बैंकको चुक्ता पुँजी तीन अर्ब ७७ करोड ७५ लाख रुपैयाँ पुग्नेछ। सिद्धार्थ बैंकका सबै शाखा, लक्ष्मी क्यापिटल र सिद्धार्थ क्यापिटल मार्फत यो सेयरमा आवेदन गर्न पाइनेछ।
२१ असोज २०७३, १।००
वि.सं.२०७३ असोज २१ शुक्रवार १४:०३ मा प्रकाशित
