काठमाडौं । नबिल ब्यालेन्स्ड फन्ड–२ ले आफ्ना इकाइधनीलाई कात्तिक १ गतेदेखि नगद लाभांश पठाउने भएको छ ।
फन्डको योजना व्यवस्थापक नबिल इन्भेष्टमेन्ट बैंकिङले हालसम्म डिम्याट खातामा बैंक खाता अद्यावधिक नगराएका इकाइधनीहरुलाई खाता अद्यावधिक गराउन भनेको छ ।
यसका लागि इकाइधनीले आफ्नो डिम्याट खाता खोलेको निक्षेप सदस्यमा गएर इकाई डिम्याट गर्नुपर्नेछ । यसैगरी, हालसम्म हितग्राही खाता नखोलेकाले भने खाता खोलेर इकाई डिम्याट गर्नुपर्नेछ । खाता अद्यावधिक गरेपछिमात्र लाभांश जम्मा हुने नबिल इन्भेष्टमेन्टले जनाएको छ ।
आर्थिक वर्ष २०७९/८० को नाफाबाट फन्डले करसहित ९।६५ नगद लाभांश वितरण गर्न लागेको हो ।
वि.सं.२०८० असोज २६ शुक्रवार १०:४१ मा प्रकाशित
