काठमाडौं । स्ट्यान्डर्ड चार्टर्ड बैंक नेपालले बैंकले बिहीबार नेपाल स्टक एक्सचेन्जलाई जानकारी दिँदै ३३.३३ प्रतिशत वोनस सेयर र १.७५ प्रतिशत नगद लाभांस दिने प्रस्ताव गरेको छ ।
बैंकले चुक्ता पुँजी आठ अर्ब रुपैयाँ पुर्याउन अतिरिक्त सेयरसमेत निस्कासन गर्ने भएको छ ।
बैंकले कुन अनुपात एफपिओ जारी गर्ने भनेर खुलाएको छैन ।
बैंकको अहिले चुक्ता पुँजी दुई अर्ब ८१ करोड रुपैयाँ छ । ३३ प्रतिशत वोनस सेयर दिएपछि पुँजी करिव ९४ करोड रुपैयाँले वढ्नेछ । बैंकले चालु आर्थिक वर्षको अन्त्यसम्ममा पुँजी ८ अर्ब पुर्याउनु पर्नेछ ।
बैंकमा ७५ प्रतिशत सेयर स्ट्यान्डर्ड चार्टर्ड समूहको छ । बाँकी २५ प्रतिशत नेपाली सर्वसाधारणको सेयर स्वामित्व छ ।
प्रकाशित मितिः २०७३ कार्तिक ४
वि.सं.२०७३ कात्तिक ४ बिहीवार १९:१२ मा प्रकाशित
