काठमाण्डौं । काठमाडौं महानगरपालिकाको सबै वडाका सडकहरु लक्ष्मीपुजाको दिनबाट झलमल हुनेभएका छन् । महानगरले ल्याएको ‘जनसहभागितामा आधारित सडकबत्ती कार्यक्रम’ अनुसार सडकमा सौर्य उर्जा जडान गरिएपछि यस्तो सम्भव हुन लागेको हो।
करिब २० करोड रुपैयाँ लागतमा राजधानीका ६६ वटा स्थानमा एक हजार सात सयवटा सौर्य बत्ती जडान गरिएको छ। सौर्य वत्ती राख्न ६० प्रतिशत अनुदान, महानगरपालिका २५ प्रतिशत र बाँकी १५ प्रतिशत स्थानीय उपभोक्ताले लगानी गरेका छन्। यो योजना अन्तर्गत महानगरपालिकाले करिब १६ करोड २५ लाख रुपैयाँ लगानी गर्नेछ भने बत्ती जडानमा उपभोक्ताले करिब ९ करोड ७५ लाख रुपैयाँ खर्च गर्नेछन् ।
लक्ष्मीपुजाको दिन प्रधानमन्त्री पुष्पकमल दाहाल प्रचण्डले सौर्य बत्तीको उद्घाटन गर्ने महानगरपालिकाले जनाएकोछ । अहिले राजधानीका सबै ठाँउमा सौर्य बत्तीका पोल गाड्ने भइसकेको छ भने बत्ती जडान गरेर परीक्षणको काम भइरहेको छ।
१० कार्तिक २०७३, १०।००
वि.सं.२०७३ कात्तिक १० बुधवार ११:२९ मा प्रकाशित
