काठमाडौं। सांग्रिला डेभलपमेन्ट बैंकले जुम्लामा आफनो २९ औं शाखा स्थापना गरेको छ । अन्तर्राष्ट्रिय धावक हरिबहादुर रोकाय तथा जुम्ला उद्योग वाणिज्य संघका उपाध्यक्ष नरबहादुर शाहीले संयुक्त रुपमा शाखाको उदघाटन गरे।
बैंकले विहीबारबाट यो शाखाबाट वित्तीय कारोबार थालेको थियो । बैंकले चालु आर्थिक वर्षको दोस्रो त्रैमासिक अवधिसम्म करिब नौ अर्व १३ करोड रुपैयाँ निक्षेप संकलन गरी ६ अर्ब ९१ करोड कर्जा प्रवाह गरेको जनाएको छ । यो अवधिमा बैंकले १५ करोड रुपैयाँ सञ्चालन नाफा गरेको जनाएको छ ।
अहिले ७३ करोड ६० लाख चुक्ता पुँजी रहेको बैंकको विशेष साधारणसभाबाट पारित ४ः१ बराबरको हकप्रद शेयर र गत आर्थिक वर्षको नाफाबाट बोनस वितरणपछि चुक्ता पुँजी एक अर्ब सात करोड रुपैयाँ पुग्नेछ । बैंकले गत वर्षको नाफाबाट २०.८५ प्रतिशत बोनस दिने निर्णय यसअघि नै गरिसकेको छ ।
१६ माघ २०७२
वि.सं.२०७२ माघ १६ शनिवार ०९:५६ मा प्रकाशित
