काठमाडौ । ब्राजिलियन फुटबलरसहित ८१ जना चढेको विमान कोलम्बियामा दुर्घटना भएको छ । विमानमा चालक दलका ९ सदस्यसहित ८१ जना थिए ।
दुर्घटनास्थलमा उद्धारकर्ताहरु खटिएका छन् । तर, क्षतिबारे आधिकारिक विवरण आएको छैन । विमान इलेक्ट्रिक समस्याका कारण दुर्घटनामा परेको र ६ जना मानिसहरू जीवित रहेको स्थानीय सञ्चार माध्यमले जनाएका छन् ।
मडेलिन अन्तरराष्ट्रिय विमास्थलका लागि उडेको उक्त विमानमा ब्राजिलियन फुटबल टिम साफाकोएन्सका खेलाडीहरु रहेको अधिकारीहरुले बताएका छन् । उनीहरु एथ्लेटिको नेशनलविरुद्ध दक्षिण अमेरिकी क्लब कपको फाइनल खेल्न कोलम्बिया गएका थिए ।
चार्टर गरिएको उक्त विमान मेडलिन नजिकै दुर्घटनामा परेको बताइएको छ । दुर्घटनापछि फाइनल खेल स्थगित भएको छ ।
प्रकाशित मितिः २०७३ मंसिर १४
वि.सं.२०७३ मंसिर १४ मंगलवार १५:०० मा प्रकाशित
