काठमाण्डौं । बिमा क्षेत्रको एक कम्पनी एनएलजी ईन्स्योरेन्सले लगानीकर्तालाई २५ प्रतिशत बोनस सेयर दिने प्रस्ताव गरेको छ । यसका साथै कम्पनीले कर प्रयोजनार्थ १.३१५ प्रतिशत नगद लाभांश पनि प्रस्ताव गरेको छ ।
कम्पनी संचालक समितिको आज मंगलबार बसेको बैठकले यस्तो निर्णय गरेको हो । बिमा बोर्ड र कम्पनीको साधारण सभाले स्वीकृत गरेपछि यो बोनस सेयर लगानीकर्ताहरुमा बाँडिनेछ ।
एनएलजीले गत आर्थिक बर्षमा २० करोड ११ लाख खुद नाफा गरी प्रति सेयर आम्दानी ४९ रुपैयाँ थियो । कम्पनीको चुक्ता पूँजी ४१ करोड, जगेडा कोषमा १४ करोड, बिमा कोषमा ४५ करोड र महाविपत्ति कोषमा झण्डै दुई करोड रुपैयाँ छ ।
२१ मंसिर २०७३, १२।३०
वि.सं.२०७३ मंसिर २१ मंगलवार १९:०२ मा प्रकाशित
