काठमाण्डौं । वैदेशिक रोजगारमा ठगीले जरा गाडेपछि महानगरीय अपराध महाशाखाले उजुरी सुन्न ११७७ नम्बरको हटलाइन सुरु गरेकोछ । नेपालभरीबाट फोन गर्दा ११७७ मात्र डायल गरे पुग्छ भने विदेशबाट फोन गर्दा नेपालको कन्ट्री कोड न। ९७७११७७ डायल गर्नुपर्ने प्रहरीले जनाएको छ ।
वैदेशिक रोजगारीका नाममा स्वदेश तथा विदेशमा भएका ठगी र त्यससँग जोडिएका अपराधबारे उजुरी सुन्नका लागि हटलाईन २४ सै घन्टा संचालनमा ल्याइएको प्रहरीले जनाएको छ।
वैदेशिक रोजगारीमा पठाउने नममा विभिन्न प्रलोभनमा पार्ने, तोकिएको भन्दा बढी रकम लिने, भनेको जस्तो काम र तलव नपाइने, लामो समयसम्म पारपोर्ट कब्जामा राख्ने, विदेशमा पुगेपछि विमानस्थलमा लिन नआउने लगायतका उजुरी परेपछि गुुनासो सुन्न हटलाइन संचालनमा ल्याइएको बताइएकोछ ।
माघ २५, २०७२ /११.००
वि.सं.२०७२ माघ २५ सोमवार १५:४१ मा प्रकाशित
