करिब चार बर्ष पहिले निर्माता अर्जुनकुमारले फाटेको जुत्ता शिर्षकमा फिल्म निर्माणको घोषणा गरे । पब्लिकबाट स्कृप्ट माग गरे अनि उत्कृष्ट मध्येको एकमा फिल्म बनाउने र १ लाख पुरस्कार दिने बोले ।
तर फिल्मलाई सुहाउँदो स्कृप्ट नआएपछि प्रोजेक्ट नै रोकियो । अब भने सोहि नाममा फिल्म बनाउन अर्जुनकुमार जुटेका छन् । निरज महर्जनको कथामा फिल्म बन्ने पक्का भएको छ । बैशाख १५ बाट फ्लोरमा जाने तयारीका साथ प्रि प्रोडक्सनको काम सुरु भएको उनले जानकारी दिए ।
निकेश खड्काले निर्देशन गर्ने फिल्मको लागी लिड अभिनेतामा सौगात मल्ल र प्रियंका कार्की फाईनल भएका छन् भने पुर्ण कमेडी जनरामा बन्ने फिल्ममा कामेश्वर चौरासिया, बुद्धी तामाङ, रविन्द्र झा, आमिर गौतम, सन्दिप क्षेत्री, रमेश रंजन झा समेत अभिनयमा रहने बताईएको छ ।
सम्पुर्ण छायाँकन बिरगंजमा हुने भनिएको फिल्मको अनुमानित बजेट डेढ करोड दाबी निर्माण पक्षले गरेको छ । अर्को बर्षको भदौमा नै फिल्मको संभावित रिलिज तोकिएको छ ।
प्रकाशित मितिः २०७३ फागुन २०
वि.सं.२०७३ फागुन २० शुक्रवार १६:०३ मा प्रकाशित