काठमाण्डौं । नेपाल स्टक एक्सचेञ्ज नेप्सेमा हिजो सोमबार चार वाणिज्य बैंक सहित पाँच कम्पनीको सेयरमूल्य समायोजन भएको छ । नेप्सेले सानिमा बैंक, लक्ष्मी बैंक, कृषि विकास बैंक, सेञ्चुरी बैंक र सेति फाइनान्सको सेयरमूल्य समायोजन गरेको हो ।
सानिमा बैंकको ३० प्रतिशत हकप्रद पछि प्रति कित्ता ४ सय ६५ रुपैयाँ कायम भएको छ । जसको आधार मूल्य ५ सय २८ रुपैयाँ रहेको छ । त्यस्तै, शतप्रतिशत हकप्रद पश्चात लक्ष्मी बैंकको सेयर मूल्य ४ सय ४९ रुपैयाँ कायम भएको छ । जसको आधार मूल्य ४ सय ५५ रुपैयाँ रहेको छ ।
त्यस्तै, २० प्रतिशत बोनस पछि कृषि विकास बैंकको प्रति कित्ता ४ सय ७८ रुपैयाँ कायम भएको छ । जसको आधार मूल्य ५ सय ३० रुपैयाँ छ । सेञ्चुरीको दश प्रतिशत बोनस पछि सेयर मूल्य ३ सय ६२ कायम भएको छ । जसको आधार मूल्य ३ सय ७१ रुपैयाँ छ ।
यसैगरी, सेति फाइनान्सको पनि ३.६ प्रतिशत बोनस पछि सेयर मूल्य २ सय ५१ कायम भएको छ । जसको आधार मूल्य २ सय ५२ रुपैयाँ रहेको छ ।
२२ चैत २०७३, ७।००
वि.सं.२०७३ चैत २२ मंगलवार ०७:३० मा प्रकाशित
