काठमाडौ । नेपाल बंगलादेश बैंकको ८० प्रतिशत हकप्रद निष्काशन सुरु भएको छ । गत चैत १७ गते सेयरधनी पुस्तिका बन्द गरेको बैंकको हकप्रदमा चैत १६ गतेसम्म सेयर किनेका लगानीकर्ताले आवेदन गर्न सक्छन् । बैंकको सेयर निष्काशन तथा बिक्री प्रबन्धक ग्लोबल आईएमई क्यापिटल रहेको छ ।
बैंकले प्रति कित्ता एक सय रुपैयाँका अंकित मूल्यको ३ अर्ब २० करोड ९४ लाख ६ हजार ८ सय ८० रुपैयाँ बराबरको ३ करोड २० लाख ९४ हजार ६८ दशमलब ८० कित्ता हकप्रद सेयर निष्काशन गरेको हो ।
बैंकको हकप्रद निष्काशन जेठ १० गते बन्द हुँदैछ । हकप्रदको आवेदन नेपाल बंगलादेश बैंकका सबै शाखा कार्यालयका साथै ग्लोबल आईएइमई क्यापिटल नाचघर, जमलबाट गर्न सकिन्छ ।
हाल बैंकको चुक्ता पूँजी ४ अर्ब एक करोड रुपैयाँ रहेको छ । हकप्रदपछि बैंकको पूँजी करिब ७ अर्ब २२ करोड ११ लाख रुपैँया पुग्नेछ ।
प्रकाशित मितिः २०७३ बैशाख ७
वि.सं.२०७४ वैशाख ७ बिहीवार १३:५९ मा प्रकाशित
