काठमाडौ । स्थानीय तहको निर्वाचनका लागि उम्मेदारी मनोनयन प्रक्रिया सुरु भएको दिन मंगलबार सेयर बजारमा समेत सकारात्मक परिवर्तन आएको छ । केहि दिनयता लगातार घटिरहेको नेप्से मंगलबार ७.५५ अंकले बढेर १६५८.३३ अंकमा पुगेको छ ।
यसदिन क वर्गका परिसुचकहरुको मापन गर्ने सेन्सेटिभ ईन्डेक्स पनि १.५५ अंकले बढेको छ । मंगलबार वाणिज्य बैंक, विकास बैंक, जलविद्युत र बीमा समूहका कम्पनीहरुको सेयरमूल्य बढेको छ । यसदिन कारोबार सकम पनि बढेर सेयरबजारमा १४३ कम्पनीको ९२ करोड ९० लाख बराबरको सेयर किनबेच भएको छ ।
राजनीतिमा विकसित घटनाक्रमसँगै राजनीतिप्रति आशा जागेका कारण मंगलबार सेयर बजार उकालो लागेको विश्लेषणा गरिएको छ । मंगलबार पहिलो चरणको निर्वाचन अन्तर्गत मंगलबार सबै ठाउँमा उम्मेदवारी दर्ता भएको छ ।
प्रकाशित मितिः २०७४ बैशाख १९
वि.सं.२०७४ वैशाख १९ मंगलवार १५:३३ मा प्रकाशित
