काठमाडौ । सरकारले आर्थिक वर्ष २०७४/७५ का लागि निर्धारण गरेको नीति तथा कार्यक्रम राष्ट्रपति विद्यादेवी भण्डारीले संसदमा प्रस्तुत गरेकी छिन् । संबिधान संसोधनका कार्यलाई निष्कर्षमा पुर्याउन सरकार कटिबद्ध रहेको भन्दै सुरु गरिएको नीति तथा कार्यक्रमको सुरुमै राष्ट्रपति भण्डारीले निर्वाचन आचार संहिता लागेको भएकाले नीति तथा कार्यक्रम र बजेटमा पुरानै कार्यक्रमलाई निरन्तरता दिएको बताईन् ।
सरकारको नीति तथा कार्यक्रममा अनुमानित भन्दा बढि अर्थात् आर्थिक वृद्धिदर ७ प्रतिशत पुग्ने अनुमान गरिएको छ । लोडसेडिङ घटाएको कारण उक्त वृद्धि हुन पुगेको सरकारको ठहर छ ।
भूकम्पपछिको पूननिर्माणलाई तिव्रता दिईने, सहकारी निजी क्षेत्रको भूमिकालाई प्रभावकारी बनाईने सरकारको नीति तथा कार्यक्रममा उल्लेख छ । प्रदेश स्थानीय तहको क्षमता बढाईने र आवश्यक पर्ने जनशक्तिको व्यवस्थापन गरिने कुरा नीति तथा कार्यक्रममा प्रस्तुत गरिएको छ । औधोगिक क्षेत्रमा बाह्य लगानी बढाउन आर्थिक सुधारका प्रयास र निर्यात बढाउने कार्यक्रम अगाडि बढाईने बताईएको छ ।
कृषिलाई राष्ट्रिय उत्पादनको प्रमुख क्षेत्रको रुपमा अगाडि बढाउने बताईएको छ । जलाशययुक्त जलबिधुत आयोजनाको निर्माण कार्यलाई अगाडि बढाउने उल्लेख छ । पर्यटनको विकास लगायत प्रदेश र स्थानीय तहमा न्युनत्तम लेनको सडक बनाईने नीति तथा कार्यक्रममा उल्लेख छ । पूर्वपश्चिम बिधुुतीय रेलमार्ग, सुरुङमार्ग अगाडि बढाईने साथै जलमार्ग सम्भावनाको अध्यायन गरिने बताईएको छ ।
गतिशिल सहर निर्माण कार्यलाई निरन्तरता दिईन, उत्पादनमूलक रोजगार, युवालाई तालिम, माध्यमिक तहसम्मको निशुल्क शिक्षा र स्थानीय तहलाई हस्तान्तरण गरिने उल्लेख गरिएको छ । शिपयुक्त शिक्षाको विकास गर्ने भन्दै स्थानीय तहको चुनावपछि तीन तहको सरकार हुने निश्चित भएको र संघिय तहको निर्वाचनपछि संबिधानको कार्यान्वयन हुने बताईएको छ । र निर्वाचनका लागि आवश्यक स्रोतको व्यवस्थ गरिने भनेर नीति तथा कार्यक्रममा उल्लेख गरिएको छ ।
सरकारको नीति तथा कार्यक्रममा नेपालको संबिधान कार्यान्वयन, आर्थिक विकास र भूकम्पपछिको पूननिर्माणलाई प्रमुख प्राथमिकता दिइएको छ । निर्वाचन आचारसंहिता र राजनीति संतुलन कायम गर्नुपर्ने कारण सरकारको नीति तथा कार्यक्रम पुरानै कार्यक्रमको निरन्तरताका रुपमा प्रस्तुत गरिएको छ ।दोस्रो चरणको चुनाव समयमै सम्पन्न गर्ने र २०७४ माघ ७ गतेभित्र तिनै तहको चुनाव सम्पन्न गर्ने र संक्रमणकालको अन्त्य गरेर अगाडि बढ्ने नीति तथा कार्यक्रममा उल्लेख छ ।
प्रकाशित मितिः २०७४ जेठ ११
वि.सं.२०७४ जेठ ११ बिहीवार १६:३६ मा प्रकाशित
