पोखरा । पत्रकार प्रकाश ढकालको उपचारका लागि रु ३ लाखभन्दा बढी सहयोग सङ्कलन भएको छ । श्वासप्रश्वासको समस्याबाट दश दिनअघिदेखि बिरामी ढकालको अहिले काठमाडौँको नर्भिक अस्पतालमा उपचार भइरहेको हो।
उनको अवस्था अहिले सुधारोन्मुख भएको उनीसँगै रहेका पत्रकार प्रकाशचन्द्र सापकोटाले जानकारी दिए । पोखराको गण्डकी मेडिकल कलेजमा भर्ना भएका ढकालको उपचार त्यहाँ सम्भव नभएपछि नर्भिक अस्पतालमा सिफारिस गरिएको थियो ।
उनको उपचारका लागि उनी कार्यरत ‘आदर्श समाज’ राष्ट्रिय दैनिकले रु ३५ हजार, पोखराका पत्रकारबाट रु २५ हजार, गोरखा मिलन समाजबाट रु २५ हजार, पोखराका व्यवसायी तारा गिरीबाट रु १६ हजारलगायत प्राप्त भएको पत्रकार दिननाथ बरालले बताए ।
गोरखा घर भएका ढकाल नेपाल पत्रकार महासङ्घको कार्यसमितिका सदस्यसमेत हुन् ।
प्रकाशित मितिः २०७४ असार ३
वि.सं.२०७४ असार ३ शनिवार १२:२६ मा प्रकाशित
