रौतहट । रौतहटको गरुडा नगरपालिकामा खाल्डोमा डुबेर चार बालिकाको ज्यान गएको घटनाप्रति पूर्वमन्त्री अजय शंकर नायकले दुःख व्यक्त गरेका छन् ।
ठेकेदारले सडक बनाउँदा खाल्डो खनेको र खाल्डो नपुर्दा जमेको पानीमा डुबेर बालिकाहरुको मृत्यु भएको विषय अत्यन्त संवेनदशील भएको भन्दै उनले संलग्न ठेकेदारहरुलाई कानुनअनुसार कार्वाहीको लागि माग गरेका छन् । उनले घटनाबारे स्थानीय प्रशासनसँग बुझी दोषीलाई कुनै पनि हालतमा उन्मुक्ति नदिनुका साथै कार्वाहीको दायरामा ल्याउन सम्बन्धित निकायलाई आग्रह गरेका छन् ।
शनिबार खाल्डोमा जमेको पानीमा डुबेर गरुडा नगरपालिका – ४ का राम एकवालकी छोरी १२ वर्षीया सुनिता साह, नौ वर्षीया संगिता साह, जोगेन्द्र साहकी नौ वर्षीया छोरी सुनैना शाह र प्रेम साहकी नौ वर्षीया छोरी सुश्मिता साहको मृत्यु भएको थियो ।
साथै उनले शोकसन्तप्त परिवारजनमा समवेदना व्यक्त गर्नुहुँदै मृतकप्रति श्रद्धान्जली अर्पण गरेका छन् ।फाइल फोटो
प्रकाशित मितिः २०७४ साउन २२
वि.सं.२०७४ साउन २२ आइतवार १६:५८ मा प्रकाशित
