काठमाडौ । नेशनल लाइफ इन्स्योरेन्स कम्पनीले अघिल्लो आर्थिक वर्षको मुनाफाबाट चुक्ता पूँजीको २६.३२ प्रतिशत लाभांश पारित गरेको छ। कम्पनीको साउन २७ गते सम्पन्न २९ औं वार्षिक साधारणसभाले उक्त लाभाँश पारित गरेको हो।
कम्पनीले २५प्रतिशत बोनस सेयर र कर प्रयोजनको लागि १ दशमलब ३२ प्रतिशत गरी २६.३२ प्रतिशत लाभांश पारित गरेको हो। यो सँगै कम्पनीको चुक्ता पूँजी १ अर्ब ६५ करोड ६० लाख पुगेको छ।कम्पनीले बोनसपछि हुन आउने चुक्ता पूँजीको ६० प्रतिशत हकप्रद शेयर जारी गर्ने प्रस्ताव पारित गरेको छ। यो हकप्रदपछि कम्पनीको चुक्ता पूँजी २ अर्ब ६४ करोड पुग्नेछ ।
अघिल्लो आर्थिक वर्षमा ३६ करोड खुद मुनाफा गरेको छ। ३ अर्ब ८५ करोड बीमा शुल्क संकलन गरेको कम्पनीले १ अर्ब ७ करोड खुद दाबी भूक्तानी गरेको जनाएको छ ।
प्रकाशित मितिः २०७४ साउन ३०
वि.सं.२०७४ साउन ३० सोमवार १२:०५ मा प्रकाशित
