काठमाण्डौं । मेरो माइक्रोफाइनान्सको सेयर आउँदो २० गतेबाट निष्काशन हुने भएको छ। कम्पनीले सर्वसाधारणका लागि ६ लाख १२ हजार कित्ता सेयर निष्काशन गर्न लागेको हो ।
एकसय रुपैयाँ अंकित साधारण सेयरमा न्यूनतम ५० कित्तादेखि १० हजार कित्तासम्म आवेदन दिन पाइनेछ। २० गते खुलेको सेयर फागुन २७ गते बन्द हुनेछ। अहिले कम्पनीको चुक्ता पुँजी १३ करोड ८८ लाख रुपैयाँ रहेको छ।
सर्वसाधारणका लागि निष्काशन गर्न लागिएको सेयर बाँडफाँटपछि २० करोड रुपैयाँ पुग्ने छ। मेरो माइक्रोफाइनान्सको सेयर बिक्री प्रबन्धक ग्लोबल आइएमई क्यापिटल रहेको छ।
फागुन १३, काठमाण्डौं, १२.००
वि.सं.२०७२ फागुन १३ बिहीवार ११:५४ मा प्रकाशित
