काठमाडौ । चुक्त पुँजी २ अर्ब रुपैया पुर्याउनको लागि ज्योति लाइफ इन्स्योरेन्सले आईपिओ जारी गर्ने भएको छ । इन्स्योरेन्सले ६६ करोड रुपैयाँ बराबरको ६६ लाख कित्ता साधारण सेयर आइपिओ जारी गर्न लागेको हो । आइपिओ जारी गरेपछि कम्पनीमा संस्थापकको हिस्सा ७० प्रतिशत तथा साधारण लगानीकर्ताको ३० प्रतिशत हुनेछ ।
कम्पनीको बुधबार पोखरामा सम्पन्न पहिलो बार्षिक साधारणसभाले उक्त प्रस्ताव पारित गरेको हो । कम्पनीले संस्थापकबाट ७० प्रतिशत हुने रकम १ अर्ब ५४ करोड रुपैयाँ पूँजी कायम गरिसकेको छ ।
इन्स्योरेन्सको अहिले १० वटा शाखा सञ्चालनमा रहेका छन् । एनआईसी एसिया बैंक समेत प्रवद्र्धक रहेको कम्पनीको रजिस्टर्ड कार्यालय पोखरा, कास्की र प्रधान कार्यालय शान्ता प्लाजा ज्ञानेश्वर, काठमाडौंमा रहेको छ ।
त्यस्तै सधारणसभाले पशुपती मुरारका, नन्दकिशोर शर्मा, आकाश गोल्छा र शर्मिला श्रेष्ठ महर्जनलाई संचालक चयन गरेको छ । ज्योती लाइफको अध्यक्षमा नेपाल उद्योग बाणिज्य महासंघका निवर्तमान अध्यक्ष पशुपति मुरारका रहेका छन् ।
गत बैशाख १४ गते कम्पनी रजिष्ट्रार कार्यलयमा दर्ता भएको ज्योति लाईफले असार २० गते समितिबाट सञ्चालन इजाजतपत्र पाएको थियो । त्यस्तै भदौ १९ गते कारोबारको अन्तिम स्वीकृति लिएको कम्पनी असोज ८ गतेदेखि औपचारिक रुपमा सञ्चालनमा आएको थियो ।
२०७४ माघ १० गते प्रकाशित
वि.सं.२०७४ माघ १० बुधवार १६:३४ मा प्रकाशित
