काठमाण्डौं । नेपाल टेलिकमले हिजोबाट त्रिभुवन अन्तर्राष्ट्रिय विमानस्थलको आगमन कक्षबाटै निःशुल्क रुपमा सिम वितरण कार्य सुरु गरेको छ । टेलिकमले नेपाल पर्यटन बोर्डको सहकार्यमा विदेशी पर्यटकलाई लक्षित गरी उक्त कार्यक्रमको सुरुवात गरेको हो ।
सूचना तथा सञ्चारमन्त्री शेरधन राई र सूचना तथा सञ्चार मन्त्रालयका सचिव तथा नेपाल टेलिकम सञ्चालक समितिका अध्यक्ष दिनेशकुमार थपलियाले निःशुल्क सिम बितरण कार्यको शुभारम्भ गरेका हुन् । सिमकार्डमा रु ५० को टक भ्यालू समेत रहेको छ ।
हाललाई आगमन कक्षमा रहेको पर्यटन बोर्डकै डेस्कमार्फत विदेशी पर्यटकहरुको पासपोर्ट र फोटोलाई आधार बनाएर सिम प्रदान गरिएकोछ । पर्यटकलाई नेपाल आउदा सञ्चार सम्पर्क र इन्टरनेट सुविधा सहज होस् भन्ने हेतुले यो सेवा उपलब्ध गराइएको नेपाल टेलिकमले जनाएकोछ ।
२० फागुन २०७२, ११.००
वि.सं.२०७२ फागुन २० बिहीवार १२:२५ मा प्रकाशित
