काठमाण्डौं । कृषि विकास बैंकले १ अर्ब ७१ करोड ५० लाख रुपैयाँको हकप्रद निष्काशन गर्ने भएकोछ । राष्ट्र बैंकले अबिमोच्य अग्राधिकार सेयरलाई चुक्ता पुँजीका रुपमा स्वीकार नगरेपछि पुँजी बढाउन बैंकले सेयर जारी गर्न लागेको हो ।
बैंकको यो निर्णय आगामी साधारणसभाबाट पारित भएपछि मात्रै कार्यान्वयनमा आउनेछ। कृषि विकास बैंकमा अहिले सरकारको ५१ प्रतिशत र सर्वसाधारणको ४९ प्रतिशत सेयर स्वामित्व छ।
नेपाल राष्ट्र बैंकले चालु आर्थिक वर्षको मौद्रिक नीतिमार्फत २०७४ असारमसान्तसम्ममा वाणिज्य बैंकको चुक्ता पुँजी न्यूनतम आठ अर्ब रुपैयाँ हुनुपर्ने व्यवस्था गरेको छ। सोही व्यवस्थालाई ध्यनमा राखी बैंकले सेयर जारी गर्न लागेको हो ।
३० फागुन २०७२, १०.००
वि.सं.२०७२ फागुन ३० आइतवार १०:४२ मा प्रकाशित
