काठमाडौं । चौतर्फी दबाबपछि विराट पेट्रोलियमले ९९ रुपैयाँ लिटरमा पेट्रोल बिक्री गर्ने भएको छ ।
३१ रुपैयाँ महँगोमा पेट्रोल बिक्रीको निर्णय विवादमा परेपछि विराटले निगमकै मूल्यमा बिक्री गर्न तयार भएको हो । शनिबार १ सय ३९ रुपैयाँमा किनेर प्रतिलिटर १३ रुपैयाँ ७ पैसा खाटा खाएर बिक्री गरेको दावी गर्ने विराट एकदिन पनि टिक्न सकेन् । उसले विभिन्न संचारमाध्ययममा घाटा खाएर बिक्री गर्न समेत नपाएको भन्दै निजी क्षेत्रलाई लगानीमा निरुत्साहित गरिएको दावी गरेको थियो । कम्पनीका संचालक अर्जुन क्षेत्रीले बिक्री गर्न बाँकी भएको पेट्रोल निगमकै मूल्यमा दिने निर्णय भएको बताए ।
आइतबार बिहान नेकपा (एमाले) निकट अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु)ले विराट पेट्रोलियम कम्पनीलाई बढी मूल्यमा पेट्रोलियम पदार्थ आयात गर्न दिएको अनुमति खारेजीको माग गर्दै आज नेपाल आयल निगमको कार्यालय घेराउ गरेको थियो ।
युनियनका विद्यार्थी बबरमहलस्थित कार्यालयअगाडि भेला भई पेट्रोलियम पदार्थ तथा ग्यासलगायत इन्धनको काठमाडौँ उपत्यकामा आपूर्ति सहज बनाउनसमेत माग गरे ।
३० फागुन २०७२
वि.सं.२०७२ फागुन ३० आइतवार १९:१५ मा प्रकाशित
