काठमाडौं । आज (बुधबार) बिहान बसेको राष्ट्र बैंक सञ्चालक समितिको बैठकले मौद्रिक नीतिलाई अनुमोदन गरेको छ । अनुमोदन पश्चात् आजै मौद्रिक नीति सार्वजनिक गर्न लागिएको छ । आज दिउँसो ४ बजे होटेल र्याडिसनमा मौद्रिक नीति सार्वजनिक गर्ने कार्यक्रम तय भएको बताइएकोछ ।
नेपाल राष्ट्र बैंकका डेपुटी गभर्नर चिन्तामणि शिवाकोटीले मौद्रिक नीति सार्वजनिक गर्ने गरी कार्यक्रम तय भएको बताइएको छ ।
ठूला बैंक मर्जरको विषयलाई लिएर यसअघि मतभिन्नता देखिएको थियो । यद्यपि फोर्स मर्जरको नीति भने नआउने बताइएको छ ।
मर्ज तथा एक्विजिसनमा जाने वित्तीय संस्थालाई विभिन्न छुटका प्रस्ताव आउन सक्ने केन्द्रीय बैंक स्रोतहरुले जनाएका छन् । बजेटले लिएका लक्ष्य र उद्देश्य मौद्रिक नीतिले पूरा गर्नुपर्ने हुन्छ । सोहि अनुरुप ८.५५ को आर्थिक वृद्धि लक्ष्यलाई पूरा गर्ने गरी नीति आउनेछ उत्पादनमूलक क्षेत्रमा जाने कर्जामा थप विस्तार, आयात निरुत्साहित लगायतका नियमित कार्यक्रमले यसपटक पनि निरन्तरता पाउनेछन् । साथै बढ्दो ब्यापार घाटा तथा उच्च शोधनान्तर घाटालाई ट्रयाकमा ल्याउने गरी नीति सार्वजनिक हुने बताइएको छ ।
२०७६ साउन ८ गते प्रकाशित
वि.सं.२०७६ साउन ८ बुधवार १२:५६ मा प्रकाशित
