काठमाण्डौं । ‘नेपाली बस्तुको प्रवद्धन, समृद्ध नेपाल निमार्ण’ भन्ने नाराको साथ पाँचौं अन्तर्राष्ट्रिय व्यापार मेला काठमाडौंको भृकुटी मण्डपमा सुरु भएको छ। ८ गतेसम्म संचालन हुने मेला राष्ट्रपति विद्यादेवी भण्डारीले हिजो उद्घाटन गरेकी छिन्।
मेलामा नेपाल, भारत, चीन, पाकिस्तान बंगलादेशका व्यवसायीको ३ सय स्टल रहेको अयोजक उद्योग वाणिज्य महासंकले जानकारी दिएको छ। मेलामा चीनका ९० वटा, भारतका ७० वटा, पाकिस्तानको २० वटा, वंगलादेशको ५ वटा स्टल रहेका छन्।
मेलामा हस्तकला, पर्यटन, सूचना प्रविधि, कृषि उत्पादन, उर्जा, भवन तथा निर्माण, शिक्षा, औषधिजन्य, फलाम तथा स्टीलका छुट्टा-छुट्टै स्टलहरु रहेका छन् । मेलामा तयारी पोशाक, छाला तथा छालाजन्य उत्पादन, नयाँ प्रविधि तथा उपकरण, खाद्यान्न, फर्निचर, फेसन वेयर, होम डेकोर, सेवा क्षेत्रका विविध स्टलहरु मेलाका आकर्षणका रुपमा छन्।
५ चैत २०७२, १०.००
वि.सं.२०७२ चैत ५ शुक्रवार ११:२८ मा प्रकाशित
