काठमाडौं । छोरीलाई बलात्कार गर्ने बाबुलाई अदालतले १३ वर्ष कैद गर्ने फैसला सुनाएको छ । जिल्ला अदालत मकवानपुरले १२ वर्षीया छोरीलाई बलात्कार गर्ने हेटौंडाका ३३ वर्षीय झड्केला बाबुलाई यस्तो फैसला सुनाएको हो ।
अदालतले १ लाख ५० हजार रुपैयाँ पीडितलाई क्षतिपूर्ती गराउने आदेशसमेत गरेको छ । जिल्ला न्यायाधीशको एकल इजलासले नाबालिकालाई जबरजस्तीकरणी गरेकोमा १२ वर्ष र हाडनातालाई बलात्कार गरेकोमा थप १ वर्ष गरेर १३ वर्ष कैद गर्ने फैसला सुनाएको हो ।
हाल भिमफेदी कारागारमा रहेका अभियुक्तले २०७५ असार १५ गते आफ्नै घरमा नाबालिका छोरीलाई बलात्कार गरेका थिए । कान्तिपुर दैनिकमा समाचार छ ।
२०७६ भदौ १४ गते प्रकाशित
वि.सं.२०७६ भदौ १४ शनिवार ०९:४९ मा प्रकाशित