काठमाडौं । बैंकहरुको ऋण नतिरेर कालो सूचीमा पर्नेको संख्या बर्ष दिनमै दोब्बरले बढेको छ । राष्ट्र बैंकका अनुसार एक बर्षमा कालो सूचीमा पर्ने ऋणीको संख्या ११३ प्रतिशतले बढेको हो ।
बैंक तथा वित्तीय संस्थाहरुको १० लाख रुपैयाँभन्दा माथिको ऋण नतिर्नेलाई सम्बन्धित संस्थाको सिफारिसमा कर्जा सुचना केन्द्रले कालोसुचीमा राख्छ ।
कालोसूचीमा पर्नेको संख्या १३ सय ३५ बाट २८ सय ४२ पुगेको हो । यो एक बर्षको तुलनात्मक तथ्याङ्क हो । अहिलेसम्म ८ हजार ६२० जना कालोसुचीमा परेका छन ।
एक बर्षको अवधिमा कालोसूचीबाट हट्नेको संख्या पनि ह्वात्तै घटेको छ। अघिल्लो बर्ष ३४१ जना घटेका थिए भने यसपाली ६२८ जना घटेका छन ।
ऋण लिनेको संख्या बढ्दै गएको तथ्याङ्मा देखिन्छ। अघिल्लो बर्ष १३ लाख १ हजार १० जनाले बैंक तथा वित्तीय संस्थाबाट ऋण लिएका थिए भने गत बर्ष १४ लाख ३९ हजार ६४८ जनाले ऋण चलाएका थिए ।
२०७६ भदौ १७ गते प्रकशित
वि.सं.२०७६ भदौ १७ मंगलवार ११:३३ मा प्रकाशित
