धादिङ । धादिङको पिंडा–२ घाटवेसीमा त्रिशुली किनारमै गोल्डेन बीच रिसोर्ट प्रालि मंगलवार देखि सुचारु भएको हो । होलीका अवसरमा पृथ्वीराजमार्गमा बहुआयामिक सुविधा सम्पन्न रिसोर्ट एवं वाटर पार्क पुनः संचालनमा आएको छ ।
रिसोर्टको प्रमुख जिल्ला अधिकारी विश्वप्रकाश सुवेदीले रंगीन बेलुन उडाएर उद्घाटन गरेका थिए । उद्घाटनमा लोक गायक पशुपति शर्मा, प्रिति आले, मोडल शंकर बिसी र पार्वती राईले सांगितिक प्रस्तुति दिएका थिए ।
‘विशेष गरि राजमार्गमा यत्रा गर्दा गर्मीले लखतरान परेका यात्रु र विदा मनाउने युवा तथा परिवारका लागि यो रिसोर्ट र वाटर किङडम संचालनमा ल्याएको, संचालक शिव सुवेदीले बताए ।
सातजना स्थानीय व्यवसायीहरुले १२ करोडको लगानीमा २० रोपनीको क्षेत्रफलमा सबै उमेरका व्यक्तिहरुलाई पौडीका विभिन्न खेल खेल्ने, २ सयजनालाई एकैपटक टेन्टिङ्ग गर्न सक्ने तथा त्रिशुलीमा जलयात्राको व्यवस्थासहित रिसोर्टमा पर्यटकका लागी ८ वटा सुविधा सम्पन्न कोठाहरु रहेका संचालक सुवेदीले बताए ।
प्रकाशितः २०७२ चैत्र १०
वि.सं.२०७२ चैत १० बुधवार १४:३१ मा प्रकाशित
